19 march

सुरळीच्या वड्या!

‘सुरळीच्या वड्या’ किंवा ‘खांडवी’ या नावाने ओळखला जाणारा हा पदार्थ ब्रेकफास्टसाठी एक उत्तम पर्याय असून, बनवण्यास सोप्पा व वेळखाऊ देखील नाही. लहान थोरांना आवडतील अशा झटपट बनणा-या ‘सुरळीच्या वड्या’ आता घरच्याघरी!

सुरळीच्या वड्या –
साहित्य – १ वाटी बेसन, १ वाटी आंबट ताक, १ वाटी पाणी, पाऊण चमचा मिरचीचा ठेचा, १ लहान चमचा हळद, १/२ लहान चमचा हिंग, बारीक चिरलेली कोथिंबीर, खवणलेले खोबरे, मीठ
फोडणीसाठी – २ चमचे तेल, मोहोरी, चिमूटभर हिंग, हळद, कढीपत्ता

पाककृती- प्रथम बेसन, ताक, पाणी एकत्र करुन घ्यावे. पीठाच्या गुठल्या होणार नाहीत याची काळजी घ्यावी. नंतर यामध्ये, मिरचीचा ठेचा, हळद, हिंग व चवीपुरता मीठ घालावे.
तयार मिश्रण कढईत घेऊन मध्यम आचेवर शिजवून घ्यावे (गुठळ्या होऊ नयेत यासाठी मिश्रणास सतत ढवळत रहावे) व दाटसर झाल्यावर गॅस बंद करावा.
गरम असतानाच मिश्रणाचा पातळ थर स्टीलच्या ताटावर मागाच्या बाजूला पसरावा.
आता फोडणीसाठी, दुस-या कढईत तेल गरम करुन त्यामध्ये मोहरी, हिंग, हळद, कढीपत्ता घालून फोडणी द्यावी व ताटावरील मिश्रणावर पसरावी. त्यावर ओले खोबरे व बारीक चिरलेली कोथिंबीर घालून सुरीने ५ इंचाच्या पट्ट्या कापाव्यात व त्याची सुरळी करुन त्याचे ३ ते ४ भाग करावेत. आता, तयार सुरळीच्या वड्या कोथिंबीरेने सजवून चटणी किंवा सॉस सोबत सर्व्ह कराव्यात.

नक्की बनवून पाहा आणि तुम्हाला ही रेसिपी कशी वाटली हे नक्की कळवा!

Popular Posts
दही वडे (1)
‘दही-वडे’
February 20, 2017
Designed and Developed by SocioSquare